LAOAG CITY – Nabirukan a maysan a bangkay ti immunan a mapukpukaw iti paset ti Brgy. Escoda, Marcos Ilocos Norte.
Nabigbig daytoy a ni Jay Aguto, agtawen ti 25, awanan ti asawa ken residente iti nasao a lugar ken nasapulan daytoy iti kanal a paset ti Sitio Caniogan.
Dagus met a nagresponde dagiti otoridad apaman nga inpakaammo ni Konsehal Katherine Simon iti nasao metla a barangay.
Rumrumuar iti inisyal nga imbnestigasyon ti PNP Marcos basar kenni Chief Inspector Joseph Calderon, hepe ti nasao a kuerpo ti pulisya ket nalmes ti biktima.
Segun kenni Calderon, adda ti sakit ni Aguto nga epilepsy ken adda ti nag-painom kenkuana iti nasanger.
Maipagarop nga immatake ti nasao a sakit ti biktima bayat ti panagawid na no sadinno nga adda ti lasaten na a kanal.
Maipalagip nga itay napalabas nga aldaw ket nagpukaw ti nasao a biktima.
