LAOAG CITY – Impakaamo ni Mayor James Bryan Alcid a dakkel a tulong ti pannakaimplentar ti Project Sarai ditoy suidad ti Laoag.
Segun kenkuana, babaen kadaytoy ket ma-monitor dagiti apektado nga agricultural lands aglalo kadagitoy a panawen ti panagtutudo.
Kunana nga iti napalabas a bagyo Kiyapo ket umabot iti 200 a ribu a pisos ti gatad dagiti naapektaran ti talonna.
Inlawlawagna a ti Project Sarai ket maysa a satelite based a kalikagumna nga imonitor dagiti mannalon a naapektaran ti mulana.
Kabayatanna, kunana a daytoy a proyekto ket mangipatungpal iti science-based, climate-resilient ken sustainable agriculture babaen kadagiti mannalon.
Innayonna a daytoy ket maysa kadagiti panagbalin nga smart city ti siudad ti Laoag no sadinno ket kalikagumna a pagbiagen ti pannakabalin dagiti mannalon a mangibtur iti panagbaliw ti klima, ken masuportaran ti ad-adda pay a panagdur-asda.
