LAOAG CITY – Maragsakan ni Mayor James Bryan gapu ti in-inot a panagbalbaliw ti langa ken plastar dagiti nagduduma nga opisina ken pasilidad ti Laoag City Hall.
Inpakaammona a makita iti dakkel a nagbaliwan saan laeng a ti ruwar iti city hall no diket pakairanana iti uneg na daytoy.
Kunana a naiplastar ken nabalbaliwan ti kita ti opisina ti City Treasurers, Tourism, Media, City Administrator, Office of the Mayor, Hallway, ken Exhibit area.
Mainaig iti daytoy, kunana nga adda pay iti pannakasukat kadagiti nadadale a galba ken pannakapasilaw a nasayaat ti nagduduma a paset ti City Hall ken adda pay dagiti nagduduma a paset ti sumaruno a matarimaan ken mapabaro.
Innayonna ti Mayor nga ad-adda a napinpintas a serbisio ti maipaay kadagiti umili no naurnos, naplastar ken nadalus ti maysa a pasdek ken opisina.
Kabayatanna, gutgutigotenna ti amin a bumisita iti Laoag City Hall kas paset ti Open City hall para ti selebrasion ti 61st Laoag City Charter Day.
