LAOAG CITY – Inpakaammo ni Mayor Michael Marcos Keon a saannan a kayat ti makidebate maipanggep iti pundo a kidkiddawenda iti opisina ni Ilocos Norte 1st District Rep. Sandro Marcos para iti pannakaiyestablisar ti alternatibo a kalsada a dumalan iti maar-aramid a dakkel a mall ditoy siudad ti Laoag.
Inbatadna nga adda ti nagbalin a sungbatnan iti Congressman pakaseknan iti immunan nga inrakurakna iti kongresista.
Inlawlawagna a saannan a kayat pay a nayonan dagiti rakurakna gapu ta mamati daytoy nga amin nga dinakdakamatna nga impormasion ket pudno ken kumpleto.
Maipalagip a nadismaya ti Mayor iti nagbalin a sungbat ti Congressman gapu ta maipagarup a maitudtudo nga adda ti ar-aramidenna a panagkunniber iti proyekto.
