LAOAG CITY – Desidido ni Mr. Jay-ar Manuel a mangireklamo kenni Barangay Chairman Sammy Aquino iti Barangay 24 ditoy ciudad ti Laoag gapo iti alegasyon na a panangdangran ti opisyal kenkuana.
Segun kenni Manuel, manarimaan ti panaginom na ti nasanger idi malem kalman ken inadmitir na a binakal na ti botelya ti aso na a nakalusot isut gapo na a nabagaan daytoy a sagadan na dagiti naiwara a bote nga isu ti inaramid na.
Inpetteng na nga awan ti sabali a gagem na iti panangibakal na ti botelya no diket ti laeng aso na agingga a naidanon iti kapitan ngem ditoyen a maipagarop a dinangran ti kapitan.
Inakusaran na pay nga idi magmagna da kadua na ti kapitan ket maipagarop a dinanog-danog ti opisyal isuna ken kunana nga adda pay ti mapapati a dinakamat ti kapitan a no magammatan da daytoy ket pabulsaan da iti saan na nga ammo a banag nga isu ti rason met no apay a napabutngan a naoan nagreklamo iti Philippine National Police.
Innayon na a manmano laeng nga agtalinaed iti Barangay 24 gapo ta no dadduma ket adda iti ciudad ti Batac.
