LAOAG CITY – Nagtalinaed nga awan ti puotna ti maysa a baro iti Mariano Marcos Memorial Hospital and Medical Center kalpasan nadesgrasya ti inturongna a motorsiklo idiay Brgy Lang -Ayan, Currimao Ilocos Norte.
Nabigbig daytoy a ni Arcel Gongora y. Dela Cruz, agtawen ti 24, baro, ken residente iti Brgy Camandingan Batac City.
Segun kenni Police Captain Michael Permison, Chief of Police iti ili ti Currimao, bayat nga agpapa-amyanan a direksyon ti biktima ket naawanan ti preno ti inturongna a motorsiklo a nangitunda ti pannakatinnagna iti kataltalunan.
Dagus a naitaray iti ospital ti biktima gapu ti sinagaba na a nakana a sugat iti ulona ken iti nagduduma a paset ti bagina.
Iti agdama, maob-obserbaran paylaeng ti biktima iti nasao nga ospital.
