LAOAG CITY – Nagtulag ti baro a mayorya iti Senado iti panangidaulo ni Senate President Pro-Tempore Sherwin Gatchalian nga ipaayda kadagiti biktima ti gingined idiay Mindanao ti mysa a bulan a sueldoda nga umabot iti sumurok P3 a milyon.
Iti agtitipon a sueldoda, inbatad ti baro a mayorya nga itedda daytoy ks suporta iti relief efforts kadagiti komunidad a naapektaran ti 7.8 a ginginediti Sarangani Province ken kaabay a lugar iti Mindanao nga umabot iti Zamboanga Peninsula.
Segun iti Office of the Civil Defense, umabot iti 37 ti pimmusay, 4 ti mapukpukaw ken 456 nga indibidual ti nasugatan ti gingined.
Umabot iti P278, 434 agingga P381,748 ti sueldo ti kada senador iti Mataas na Kapulungan isu ti gapuna a mabalin nga umabot daytoy iti P3 a milyon.
Gutgutigoten met ti mayorya ti minority group a makipaset iti nasao nga inisiatiba.
