LAOAG CITY – Natay ti maysa a barito a residente ti ili ti San Nicolas kalpasan daytoy a nadisgrasia iti paset ti Manila North Road Brgy. 15, San Jose iti met laeng nasao nga ili.
Ti biktima ket naglugan ti NMAX, agtawen 24, awanan asawa ken residente ti barangay 18 San Pedro San Nicolas, Ilocos Norte.
Basar iti inisial nga imbestigasion dagiti otoridad, ti biktima ket agturong nga agpadaya no sdinno nga apaman a nakadanon daytoy iti kurbaan a paset ti dalan ket ditoy a naawanan ti kontrol iti manibelana a rason ti panag overshoot-na
Segun kadagii otoridad ket sakbay a napasamak ti nasao nga insidente ket naggapo dagitoy iti pagtaengan ti biktima a kaduana dagiti barkadana no sadinno ket naamoan nga adda ti impluensia dagitoy ti nasanger.
Apaman a nalpasda a nag-iinom ket nagturong dagitoy iti Brgy. 1 San Francisco, San Nicolas, Ilocos Norte ket ditoyen a napasamak ti nasao nga insidente.
Malaksid iti daytoy, naamoan a ti biktima ket saan a nakasuot ti protective helmet wenno reflectorized vest iti oras a napasamak ti insidente.
Gapu iti daytoy, insigida a naitaray ti biktima iti balay pagagasan iti Mariano Marcos Memoroal Hospital and Medical Center ngem na-pronounced daytoy kas dead on arrival
