LAOAG CITY – Dead on arrival iti ospital ti maysa a lalaki kalpasan a binagkong ti kinainuman na iti ili ti Adams.
Nabigbig ti biktima a ni Charles Nieto y Calumpit idinto a ti suspek ket ni Richard Tumaneng y Calventas, agpada a reisdente iti nasao nga ili.
Segun kenni Police Lt. Joel Corrales, chief of police ti PNP-Adams, ti biktima ken suspek ket nagdanon iti maysa a paggi-inuman ken naaddaan da ti nabara a diskusyon mainaig iti panagtalon.
Gapo iti daytoy, binagkong ni Tumaneng ni Nieto usar ti bolo knife a nakasugatan ti babaen ti akin-kannigid a barukong na a rason ti ipupusay na.
Naamoan a ti Tumaneng ket addan ti dati a kaso na mainaig iti panagtagbat.
Innayon ni Corrales a desidido met ti pamilya ti biktima a mangipila ti kaso kontra iti suspek.
