Pimmusay ti maysa a lalaki a nadesgrasya iti Brgy. 19 iti ili ti San Nicolas partikular iti abagatan ti ice plant.
Segun ken ni Police Corporal Sonny Quaresma, hepe ti traffic division iti nasao nga ili a posible a naover-shoot ti biktima ti nakurba a aset ti kalsada bayat ti panagdalyasat na.
Inbatad na a gapu iti kinapigsa ti pannakaitama ti biktima iti concrete barrier ket nadadael a permi ti akin kannawan a saka na.
Kabayatanna, inpakaamo ni Quaresma a ti biktima ket nakasuot ti agmaris ti green a sweat shirt ken jersey shorts.
Immunan a nagturong ti team ti Bombo Radyo Laoag iti nakapasamakan ti insidente nu sadino a nakita nga adda dagiti nabati a lasag ti biktima iti concrete barrier ken naiwarang a tsinelas pakairamanan ti inturong na a motorsiklo nga addaan ti plate number a ZF2795.
Iti agdama ket agtultuloy ti imbestigasyon dagiti otoridad seknan iti nasao nga insidente.