LAOAG CITY – Natiliw ti maysa a lalaki iti naiyuswat a drug buy bust operation idiay Brgy 15, San Jose, San Nicolas, Ilocos Norte.
Nabigbig ti susbject ti operasyon a ni Benny Bareng Jr y Domingo, agtawen ti 23, awan ti asawa, delivery boy ken residente iti Brgy. Capurictan iti ili ti Solsona.
Nakumpiskar dagiti kameng ti PNP-Solsona ken PNP-San Nicolas RMFB1 ken PDEA ti maysa a plastic sachet a naglaon ti maipagarop a napagango a bulong ti marijuana ken 120 a pisos manipud iti ikot na.
Malaksid iti daytoy, nagatang pay ti police pusuer buyer a sachet nga addaan ti maatap a napagango a bulong ti marijuana ken 500 a piso a marked money.
