LAOAG CITY – Natukkol ti saka ti maysa a lalaki a biktima ti napasamak a desgrasya idiay Brgy. San Isidro iti ili ti Dumalneg.
Nabigbig daytoy a ni Elmer Balalio y. Bagay, agtawen ti 30,awanan ti asawa ken residente iti nasao a barangay.
Segun ti imbestigasyon ti PNP, bayat nga agpapaamyanan a direksyon ti motorsiklo nga inturong ni Balalio ket idi nadanuna iti kurbaan ket dita a naawanan ti kontrol a nangitunda iti desgrasya.
Dagus a naitaray iti Bangui District Hospital ti nasao a biktima gapu iti pinasarna a sugat iti nagduduma a paset ti bagina ken ti natukkol ti kannigid a saka na.
Nupay kasta, nagtalinaed ti biktima iti nasao nga ospital para iti naan-anay a pannakataming na.
