LAOAG CITY – Inbatad ni dati a senador Antonio Trillanes IV a mabalin a ni Senador Bong Go ti sumaruno a maiyisoan ti arrest warrant ti International Criminal Court (ICC) kalpasan ni Senador Ronald “Bato” dela Rosa.
Segun ken ni Trillanes, nakaawat ti impormasyon nga adda ti agpangpangta a warrant kontra ken ni Go mainaig iti crimes against humanity, murder,ken attempted murder.
Innayon ti dati a senador a mabalin nga umabot pay ti sumagmamano a bolan sakbay nga iparuk-at ti nasao a warrant, depende iti proseso ti ICC.
Inpetteng na a ni Go ket maikonkonektar iti maipagarop nga insidente ti extrajudicial killings iti administrasyon ni dati a Presidente Rodrigo Duterte.
