LAOAG CITY – Nakastrek iti finals iti nagduduma a kategorya ti 2026 KBP Golden Dove Awars ti 11 nga entry ti Bombo Radyo Philippines.
Karaman kadagiti nominado ti Bombo Radyo Iloilo para iti Best AM Radio Station – Provincial, Star FM Manila para iti Best FM Radio Station – Metro Manila ken ti Star FM Bacolod para iti Best FM Radio Station – Provincial.
Nakastrek pay iti Best Newscast – Metro Manila ti Bombo Network News, bayat a nakastrek pay ti Bombo Radyo Cagayan de Oro ken Bombo Radyo Iloilo para iti Best Newscast – Provincial.
Naibilang pay iti listaan dagiti finalists ti Bombo Radyo Cebu para iti Best Special Program, Bombo Radyo Koronadal para iti Best Sports Program ken ti Star FM Baguio para iti Best Public Service Announcement.
Kabayatanna, nabigbig met kas finalist ti Bombo Radyo Roxas ken Star FM Baguio para iti Best Radio Station Promotional Material.
Makita dagiti kategorya nga agbabatog dagiti istasion ti Bombo Radyo ken Star FM. pakairamanan ti Best News cast – Provincial no sadinno ket agbinnalubal ti Bombo Radyo Cagayan de Oro ken Bombo Radyo Iloilo, kasta payen ti Best Radio Station Promotional Material a paglinnabanan ti Bombo Radyo Roxas ken Star FM Baguio.
Pammaneknek dagiti nasao a puesto iti agtultuloy a panagtrabaho dagiti istasion ti Bombo Radyo ken Star FM a mangipakita ti kinalaing babaen iti panangipatulod dagiti damdamag ken serbisio-publiko para iti intero a pagilian.
