LAOAG CITY – Nagsagaba ti sugat iti paset ti ulo ken likod ti maysa a mannalon a senior citizen kalpasan a tinagbatagbat daytoy ti maysa a lalaki ti namin-innem a daras iti ili ti Solsona.
Segun ken ni Police Captain Randy Damo, naipakaammo kadakuada nga adda ti pagriririan a daga dagiti nasao nga indibidual no sadinno ket kinagura ti suspek ti panangapan ti biktima nga agiwayway iti daga a pagriririanda ket apaman a napan insimpa ti biktima dagiti tarakenna ket ditoyen a nasabatna ti suspek no sadinno ket ditoyen a tinagtagbatnan ti biktima ti namin-innem a daras.
Mainaig iti daytoy, naamoan nga adda iti impluwensia ti nasanger ti nasao a timmagbat.
Gapu iti daytoy, agpada nga adda ti suspek ken ti biktima iti Provincial Prosecutors Office para iti pannakaipila ti naananay a reklamo kontra iti suspek.
