LAOAG CITY – Maak-akusaran ni Mr. Cornelio Baggal iti Brgy. Pipias iti ili ti Bacarra a maipagarop nga iparit na nga ipausar ti solar water pump nga adda iti Sitio Tagipuro iti Barangay 37 iti nadakamat nga ili.
Segun iti nakasarsarita ti Bombo Radyo Laoag a kasinsin ti maysa kadagiti nangakusar kenni Bagkal, naamoan na a kastoy ti ar-aramiden ti maseknan.
Kunana a tallo ti solar water pump da ken suplayan na ti 10 agingga iti 15 a mannalon.
Nupay kasta, inbatad na a basar iti kasinsin na ket saan a kayat nga ipausar ni Bagkal daytoy nga isu ti parikot da iti agdama.
Ummuna iti daytoy, maipagarop nga inikkat lattan ni Bagkal ti host a naiturong iti talon ti pada na met laeng a mannalon.
