LAOAG CITY – Maysa a Pilipino ti kumpirmado a karaman kadagiti natay kalpasan a nagswek ti nagluganan da nga eroplano idiay Hawaii idi biyernes, Hunyo 21.
Maipalagip nga umabot iti 11 a tattao dagiti natay karaman ti piloto ti eroplano idi napasamak ti insidente.
Segun ken ni Bombo International Correspondent Manny Pascua idiay Hawaii, ti natay a Pinoy ket nabigbig a ni Jordan Tejero, agtawen ti 23, dati a kameng ti US army, taga Ilocos Sur ngem agdama nga agnanaed idiay Kauai.
Inbatad ni Pascua a mapan koma ni Tejero idiay Honolulu tapno ag-skydiving idi napasamak ti insidente.
