LAOAG CITY – Natay ti maysa a security guard kalpasan a naidungpar ti nagluganan na a motorsiklo iti national highway, bisinidad ti Barangay Santiago iti ili ti Solsona.
Segun kenni Police Captain Chris Anthony Sorsano, chief of police ti PNP-Solsona, ti bitkima ket agtawen ti 34 ken residente iti Barangay Albano iti ili ti Dingras.
Iti imbestigasyon, bayat nga adda iti paset ti Barangay Santiago iti ili ti Solsona ti biktima ket na-overshoot iti kurbaan a paset ti kalsada isut gapo na a naidungpar iti maysa a puon ti kayo.
Gapo iti daytoy, naipurwak ti biktima iti agarop 10 a metro ti kaadayo na ken nawarwara ti helmet na ken dead on the spot.
Inbatad ni Sorsano a rumrumwar nga adda iti impluwensya ti nasanger ken agawid kuman iti nakaikamangan na iti Barangay Puttao iti ili ti Solsona idi napasamak ti desgrasya.
