LAOAG CITY – Natay ti maysa a tricycle driver kalpasan ti napasamaka d esgrasya iti Barangay Paltit, Badoc, Ilocos Norte.
Ti biktima ket agtawen ti 57, awanan ti asawa, ken residente iti Barangay Bato iti nadakamat met laeng nga ili.
Basar iti imbestigasyon ti PNP-Badoc, ti tricycle ket naggapo iti laud ken agpadaya a direksyon ngem rumrumwar a napaspas ti panagpataray ti biktima a sumrek iti maysa a rangtay ken agkurba.
Naamoan nga iti panagkurba na ket na-overshoot rason a nadungpar na ti railings ti rangtay ken nagbaliktad ti tricycle.
Gapo iti kapigsa ti impact ti desgrasya, naibaot ti driver o sadinno ket naitupa ti ulo na iti kalsada a rason ti pannakatay na.
Rumrumwar a ti driver ket adda iti impluwensya iti nasanger gapo ta naggapo iti maysa a paggi-inuman.
