LAOAG CITY – Kinumpirmaran ni Police Senior Inspector Christian Sorsano, ti chief of police iti Dingras, Ilocos Norte ti panagpakamatay ti maysa a Grade 9 student iti Barangay Bagut ti nasao nga ili.
Daytoy ket babaen ti panangitali ti biktima ti bukod na a bagi iti bodega ti balay ti lolo ken lola na a nangitundan ti pannakatay na.
Segun ken ni Sorsano, ti biktima a ni Eric Jade Garcia, agtawen iti 16, agad-adal iti Sarrat National High School iti ili a Sarrat ngem taga Barangay Bagut iti ili a Dingras.
Inbatad ni Sorsano nga awan ti napasamak a foul play iti pannakatay ni Garcia basar iti pannakaeksamen ti bangkay na.
Inlawlawag na a ti kitkitaen da a motibo ket ti possible a pannaka-depressed ni Garcia kalpasan nga insina ti nobya na.
Innayon ni Sorsano a basar kadagiti text messages iti cellphone ni Garcia ket agpakpakaasi ti biktima tapno saan nga isina ti nobya na.
