LAOAG CITY – Kinumpirmaran ni Police Chief Inspector Roldan Suitos, ti chief of police iti ili a Sarrat a nagpositibo iti illegal a droga ti maysa kadagiti dua a suspek ti panagrames iti nasao nga ili.
Dagitoy ket da Jeriel Ramos, agtawen iti 22 ken ni Leo Emil Casabay, agtawen iti 19, agpada a residente iti Brgy. 23 Sta. Cecilia iti ili ti San Nicolas.
Nupay kasta, saan pay a naibaga ni Suitos no siasinno kada Ramos ken Casabay ti nagpositibo iti illegal a droga.
Mainaig ti daytoy, inpakaammo ni Suitos nga iyur-uray da pay laeng ti resulta ti medical examination ti biktima.
Immuna ti daytoy, inbatad ni Suitos a naipila dan ti kaso kontra kada Ramos ken Casabay, ngem mabalin a pilaan da pay ti sabali a kaso ti nagpositibo iti illegal a droga.
