LAOAG CITY – Natay ti maysa a lalaki kalpasan ti napasamak a desgrasya ken nadungpar na ti puun ti kayo idiay ili ti Banna.
Nabigbig daytoy a ni Michael Ramos y Gaioran, agtawen ti 32, awanan ti asawa ken residente iti Brgy. 16, Bugasi iti nasao nga ili.
Segun ti imbestigasyon dagiti otoridad, kabayatan ti panagpalaud ti biktima a direksyon ket napukawan ti kontrol iti kurbaan.
Gapo iti daytoy, nagderetso a puun ti nakadungparan na ti puun ti gmelina a nangitunda ti pannakasugat ti nagduduma a paset ti bagi na kangrunaan ti ulo na.
Naitaray ti nasao a biktima iti Rural Health Unit iti nasao nga ili ngem naideklara a dead on arrival babaen kenni Dr. Remidios Peralta, ti municipal health officer.
Rumrumwar a ti biktima ket adda iti impluwensya ti nasanger bayat ti panangiturong na ti motorsiklo na kalpasan a nagatendar iti maysa a pasken iti nasao a lugar.
