LAOAG CITY – Natay ti maysa a lalaki kalpasan ti pannakadungpar na ti motorsiklo nga inturong ni Christian Alonzo Nanale, agtawen ti 19, awanan ti asawa ken residente iti Barangay 41, Balacad ditoy ciudad ti Laoag iti paset ti Barangay 50, Buttong iti nasao a ciudad.
Nabigbig ti biktima a ni Marvin Gizada Par, addaan ti umno nga edad, awanan ti asawa ken residente iti Barangay Baliis, Sta. Cruz Marinduque.
Segun ti inisyal nga imbestigasyon dagiti kameng ti PNP Traffic Division, bayat agpadaya ti motorsiklo ket ditoy met a bumallasiw ti biktima iti kalsada.
Gapo iti daytoy, dagus a nagresponde dagiti otoridad ken naitaray iti Laoag City General Hospital (LCGH) ti biktima ngem naideklara a dead on arrival daytoy gapo iti sinagaba na a nakaro a suagat ti ulo na.
Nagsagaba ti driver ti motorsiklo ti gasgas iti bagi na ken na nagtalinaed daytoy iti kustudiyar ti PNP Tafffic Division.
