LAOAG CITY – Ginandat ti maysa a lalaki ti nagpakamatay kalpasan a nagriri da ti nobya na ditoy ciudad ti Laoag.
Daytoy ti kinumpirmaran ni Barangay Chairman Lauro dela Cruz ti nasao a barangay.
Binigbig ni dela Cruz ti lalaki a naggandat a mangkettel ti bukod na a biag a ni Michael Figuerroa, maysa a tricycle driver ken residente ti Brgy. Lubnac idiay ili ti Vintar.
Segun ti kapitan, ginandat ni Figuerroa a paltugan ti bukod na a bagi babaen ti panagusar na koma ti kalibre 38 a paltog iti sangwanan a mismo ti nobya na iti Bgry 12 Lagasca St. ditoy ciudad ti Laoag.
Nupay kasta, nakapagpatulong a dagus ti maysa a barangay kagawad kadagiti otoridad isut gapu na nalapdan ti plano a panagpakamatay ti nasao a tricycle driver.
Gapu iti daytoy, imbes a maasian dagiti otoridad iti inaramid ti nasao a lalaki ket tiniliw da daytoy ken ipilaan da ti kaso a panaglabsing ti Republic Act 10591.
