LAOAG CITY – Kinumpirmaran ni Barangay Kagawad Manny Morales iti Barangay 1 ditoy ciudad ti Laoag, agtagikua ti maysa a construction supply nga addd ti panagkurang ti suplay ti semento ditoy probinsya.
Segun kenni Morales, iti katingngaan ti Disyembre nariknan ti panagkurang ti suplay ti semento ken kimmaro pay ita a bulan ti Enero.
Gapo iti daytoy, kunana a ngimmato met ti presyo ti produkto ti semento.
Inbatad na a ti dati a presyo ket 240 a pisos ngem ita ket agay-ayam daytoy iti 275-280 a pisos agdependar pay iti klase na.
Inpetteng na a dakkel ti epekto na kadakuada a dealer ti semento gapo ta maysa daytoy a produkto a kangrunaan a kasapulan dagiti agpatpatakder ti balay ken dagiti adda iti biang ti construction.
