LAOAG CITY – Patien ti maysa a babai manipod idiay Ontario, Canada a ti taraken na a Yorkshire terrier ti kabassitan nga aso iti intero a lubong.
Segun ken ni Kim Passero iti Loretto, ti aso na ket agtayag laeng ti 3 a pulgada ken agdagsen ti nakurkurang ngem maysa a libra.
Ti agdama a kabassitan nga aso a maysa a chihuahua nga agnagan ti Pearl ket agtayag ti 3.59 inches.
Inlawlawag ni Passero ti taraken na a pinanaganan na ti Yorkie ket basbassit gapu ta agtayag laeng ti 3 a pulgada ngem daytoy ket uppat a bolan na paylaeng.
Naamoan a saan nga awaten ti Guinness World Records ti opisyal a katayag ni Yorkie agingga a saanna a madanun ti maysa a tawenna.
