LAOAG CITY – Nagpanawagan ni Senate President Sherwin Gatchalian a pagbalinen a localized ken targeted ti panangsuspenso ti kase imbes a ‘system-wide’ ti suspension.
Segun kenkuana, masapol a maliklikan ti learning loss gapu kadagiti naitantan a face-to-face classes gapu iti napasaran a kalamidad.
Inbatadna a no makita a natalged ti maysa a lugar, masapol a mapalubosan ti panagtuloy ti klsse kadagiti pagadalan wenno lugar a saan a maapektaran ti sasn a napintas a panawen.
Mainaig iti daytoy, iti napalabas a 30 nga aldaw, umaboten iti 20 nga aldaw a face-to-face learning ti nasuspenso kadagiti nagduduma a paset ti pagilian gapu kadagiti class suspension.
Basar iti Second Congressional Commission on Education (EDCOM II), adda iti average a 30 agingga 50 nga aldaw ti klase manipud iti 180 nga aldaw nga school calendar ti masaysayang iti kada tawen gapu iti class suspension iti napalabs a dua a tawen.
Kabayatanna, iti salinong ti 21st Century School Boards Act (Senate Bill No. 53), ilunglungalong ni Gatchalian a maikkan ti responsibilidad dagiti local school board a siguradoen ti alisto, naurnos ken angkop a kasapulan ti tunggal lugar tapno maituloy ti basic education uray man pay iti oras ti sakuna, kalamidad ken emerhensia.
