LAOAG CITY – Boluntaryo a simmuko kadagiti otoridad ti maysa nga indibidual a sumangsango ti kaso nga estafa iti ili ti Solsona.
Adda met ti 18 ribo a pisos a nairekomendar a pagpiyansa ti akusado para iti temporaryo a pannakawaya-waya na.
Immuna iti daytoy, adda ti naiparuk-at a warrant of arrest manipod iti Municipal Trial Court iti Dagupan City kontra iti akusado gapu iti kasona nga estafa.
Kabayatanna, naiserbi met ti sabali a warrant of arrest kontra iti maysa a balud iti Bureau of Jail Management and Penology.
Ti nasao nga akusado ket taga Solsona ken sumangsango daytoy iti kaso a panaglabsing ti Republic Act 9165 wenno Comprehensive Dangerous Drugs Act of 2002, ken ti Republic Act 10591 wenno Comprehensive Firearms and Ammunition Regulation Act.
Nairekomendar ti 100 a ribo a pisos a piyansa ti akusado para iti temporaryo a pannakawaya-waya na.
