LAOAG CITY – Kinumpirmaran ni Barangay Chairman Wilson Sadian iti Brgy. Salbang iti ili ti Paoay a nagreport ni Jocelyn Sadian idi kalman mainaig iti pannakadangran ti anak na nga special child gapu ti bisekleta.
Inlawlawag na a napasamak pay laeng ti insidente maysa a lawas ti napalabas ngem idi laeng kalman ti bigat a nagreport ti maseknan.
Iti panagreklamo ni Jocelyn, inbatad ti kapitan a napan nakiay-ayam ti ubing iti pada na nga ubbing iti karruba da.
Adda ti kabbaro a bisikleta ti maysa nga ubing idinto a nakiusyuso ti special child ken maipagarup a pinuligos na ti ligay ti biskleta ken adda met ti kelaat a nangipreno iti daytoy.
Kuna ni Sadian nga adda ti natukkol a paset ti bisekleta rason a nakapungtot ti agnagan ti Rick ken nadangran na ti ubing.
Saan met a nakaro ti siwastyon ti nadangran nga ubing.
Nupay kasat, alaen da ti kabibiang ti agnagan ti Rik tapno malawlawagan ti reklamo.
Innayon ni Sadian a naamuan laeng ti ina a nadangran ti anak na kalpasan ti sumagmamano nga aldaw sipud napasamak ti nasao nga insidente.
