LAOAG CITY – Ballaigi ti pannakaiyuswat ti seminar para kadagiti Micro, Small and Medium Enterprises (MSMEs) ditoy siudad ti Laoag.
Inbatad ni Mrs. Perlica Cabello mangidadaulo iti City Social Welfare and Development Office (CSWDO) a ti seminar ket iti babaen ti Mariano Marcos State University (MMSU).
Kunana a dakkel a tulong daytoy gapu ta manayonan manen ti ammoda mainaig iti panagpalago iti negosio-da.
Innayonna a malaksid kadagiti MMSU Technology Business Incubator a nagsarita, nakipset pay dagiti nagduduma nga speakers manipud iti gobierno siudad.
Kabayatanna, ti nasao a seminar ket paset ti Memorandum of Agreement (MOA) ti Mariano Marcos State University (MMSU) ken Laoag City Government iti babaen ti City Social Welfare and Development Office (CSWDO) a mangtulong kadagiti negosiante tapno ad-adda pay a mapaasenso ti negosio-da.
