LAOAG CITY – Nasugatan iti ima ken nauram ti buok ti maysa nga ubing nga agtawen ti 10 kalpasan a naputokan iti three star a paputok iti Barangay San Lorenzo iti ili ti San Nicolas.
Iti nagbalin a palawag ti ama ti biktima ken ni Fire Senior Inspector Edison Reyes iti Municipal Fire Marshal iti ili ti San Nicolas, maipagarup a nagpidot ti ubing kadagiti paputok a saan a pimmutok idi rabii, ken itay laeng bigat ginandat ti ubing a puoran ti paputok ngem kellaat a pimmutok dagitoy.
Kuna ni Reyes nga apaman a nagresponde da, inikkat da a dagus dagiti kawes ti ubing gapu ta nauram pay daytoy.
Iti agdama ket adda pay laeng iti balay pagagasan ti ubing gapu ta nakapasar daytoy ti degree burn iti ima na.
Gapu iti daytoy, nagabllaag ni Reyes iti publiko nga agannad iti isasarabo ti baro a tawen tapno maliklikan ti aniaman nga insidnete.
