LAOAG CITY – Inlawlawag ti infectious disease expert a ni Dr. Rontgene Solante nga awan ti pakainaiganna iti monkeypox iti Human Immunodeficiency Virus (HIV).
Idi 2022, naduktalan kadagiti kaadduan kadagiti naakaran ti monkeypox iti Human Immunodeficiency Virus.
Inbatad ti Department of Health (DOH) a ti monkeypox ket mabalin a maiyakar babaen iti pannakinaig ken kinumpirmaranna a sumagmamano kadagiti aktibo a monkeypox cases iti pagilian ket positibo a nakinaig sakbay a nakitaan ti sintomas ti sakit.
Inlawlawag ni Solante, ti Human Immunodeficiency Virus ket sabali a klase ti virus maidasig iti monkeypox.
Ti Human Immunodeficiency Virus ket maysa a progresibo a klase ti impeksion nga in-inut a dadaelenna iti immune system ti maysa a tao a nakaptan daytoy.
Innayonna a ti sexually active individuals laeng ti high risk gapu iti behaviors-da.
