LAOAG CITY – Naipila iti konseho ti maysa a resolusion a mangkomendar kadagiti 18 a barangay a naideklarar a drug cleared barangay ditoy siudad ti Laoag.
Daytoy ket iti babaen ti panangipasa ni Honorable Rbee Ablan, ti Presidente ti Liga ng mga Barangay iti siudad a gagemna ti mangkomendar iti panagtitinulong dagiti tunggal residente para iti pannakagun-od daytoy.
Pakairamanan kadagitoy a barangay ket ti Barangay 1 San Lorenzo, Barangay 5 San Pedro, Barangay 10 San Jose, Barangay 12 San Isidro, Barangay 14 Sto. Tomas, Barangay 17 San Francisco, Barangay 19 Sta. Marcela, Barangay 20 San Miguel, Barangay 21 San Pedro, Barangay 23 San Matias, Barangay Nalbo, Barangay 47 Bengcag, Barangay 48-B Cabungaan South, Barangay 54-B Camanggaan, Barangay 59-A Dibua South, Barangay 59-B Dibua North, Barangay 7-B Nuestra Señora De Natividad, ken Barangay 60-A Caoacan.
Inlawlawagna a saan laeng nga agpatingga ditoy ti adbokasia iti lokal a gobierno ngem nudiket adadda pay a pagpokusanda iti naiget a panagbalbaliw maipapan iti panagusar wenno panaglako iti illegal a droga.
Kunana a kalukagumda a pagbalinen a drug free iti siudad.
Mainaig iti daytoy, pinadayawan met ni Vice Mayor Rey Carlos Farinas ni Hon. Rbee Ablan iti panangimatonna kadagiti amina a barangay iti pannakagun-od ti daytoy a balligi.
Immuna iti daytoy ket ti pannakaideklarar ti amin nga 80 a barangay ditoy suidad kas drug cleared barangay iti babaen ti nagbalin a validation ken deliberasion iti Regional Oversight Committee on Barangay Drug Clearing.
