LAOAG CITY – Nakagun-od ti world record ti maysa a music producer idiay Nigeria gapu iti music record marathon a nagpaot ti uppat nga aldaw.
Kinumpirmaran ti record keeping organization a Guinness World Records a ti music producer a ni Idem Abasifreke ti baro a record holder ti titulo a “Longest Recording Marathon with Multiple Artists” kalpasan a naka-record kadagiti kanta iti uneg ti 95 nga oras ken 59 a minuto.
Naiyuswat ti record attempt ni Idem idi Pebrero 10 iti Beatisblaak Studio idiay Lagos, Nigeria.
Inbatad ni Idem, inaramidna daytoy tapno agbalin a maysa a record-breaking music producer ken makatulong kadagiti agdadamo a singers ken rappers idiay Nigeria.
