LAOAG CITY – Inbatad ni Barangay Kagawad Paul Angayen Jr. iti ili ti Adams nga adda ti maysa a kabarangayan da a pimmusay kalpasan a saanda a naitaray iti ospital gapu ti pannakadadael dagiti kalsada.
Inlawlawag na a ti pimmusay a kabarangayan da ket mapatta-patta nga agtawen ti 47 ken na-stroke daytoy.
Segun ken ni Angayen, gapu ta saan a nabalsamar ti maseknan ket intabon da a dagus.
Kabayatanna, inpakaammo ni Angayen a problema da pay iti agdama ket ti saan da pay a pannakadalos dagiti pagalaan da ti inumen da a danom.
Innayon na a mabalin a ti pagal-alaan dagiti kalugaran na ti inumen da ket dagiti nagtaod nga ubbog.
Kuna na a no malpas ti tudtudo ket ado dagiti tumaod nga ubbog iti igid ti karayan. Immun-una iti daytoy, kuna ni Angayen a no adda ti napateg nga aramiden da iti ruwar iti ili da ket awan ti sabali a pagnaan da no saan nga iti hanging bridge uray delikado
