LAOAG CITY – Naipadalan iti auction dagiti 5,000 agingga 20,000 a metriko tonelada a milled rice a 12 a bulan wenno maysa tawenen a nakapempen kadagiti warehouse.
Daytoy ket wagas ti National Food Authority tapno maikkan ti espasio dagiti kaap-apit, mapapigsa ti cash flow, ken maliklikan ti pannakadadael ti produkto.
Segun ken ni NFA Administrator Larry Lacson, maipangruna a mai-auction dagiti stock a daan wenno nabayagen.
Maisayangkat ti aktibidad intono Mayo ita a tawen, idinto nga agtultuloy ti panangipinal ti NFA iti pricing mechanism, ngem possible a mailako iti floor price a P22 agingga P28 kada kilo.
