LAOAG CITY – Nakasaganan dagiti nagduduma a programa ti National Youth Commission para iti ad-adda pay a panangpatibker kadagiti agtutubo ditoy pagilian.
Segun ken ni ASec. Gervy James Gumarit, dandanin a malpas aminen dagiti agtutubo ditoy Northern Luzon.
Inbatadna a sumaruno dagiti dadduma a probinsia iti sabali pay a paset ti pagilian kas ti Visayas ken Mindanao a ti kangrunaan a programa nga iyimplementarda ket ti Agridam Program.
Mainaig iti daytoy, manamnama nga adda ti maisayangkat a graduation dagiti amin a dumalan iti training ken posible a ditoy probinsia ti pakaisayangkatanna.
Kunana a daytoy nga addang ket tapno ad-adda pay a maikkan ti inspirasion dagiti agtutubo kadagiti ar-aramiden ti Disaster Risk Reduction Management tapno makatulongda tunggal adda dagiti didigra wenno pasamak nangruna ditoy probinsia gapu ta naruay a bagyo dagiti sumangsangbay iti kada tawen.
