LAOAG CITY – Adda ti nasurok a sangaribo nga indibidual ti nakipaset iti Grassroot Resiliency Training Program ti National Youth Commission.
Segun kenni Commissioner-at-Large Gervy James Gumarit, ti naiyuswat a panagsanay ket paset ti programa ti National Disaster Risk Reduction and Management Council.
Gagem ti nasao a programa a maikkan ti impormasyon ken dumalan kadagiti panagsanay dagiti agtutubo no ania dagiti rumbeng a maaramid no adda dagiti didigra.
Mainaig iti daytoy, naimbitaran dagiti nagduduma nga ahensya kas speaker iti nasao a programa kangrunaanna ti Bureau of Fire Protection, Disaster Risk Reduction and Management, ken Department of Science and Technology.
Inbatad ni Gumarit a napateg ti nasao a training gapu ta makatulong tapno ad-adda pay a mapatibker ken mapalawa dagiti impormasyon a maipaay kadagiti partisipantes.
