LAOAG CITY – Inpasingked ni Police Chief Inspector Allan Emerson Daus, chief of police ti PNP-Bacarra a nagparbengen dagiti agsusugal iti nasao nga ili kangrunaan na dagiti addaan ti minatayan.
Segun kenni Daus, idi bulan ti Hulyo ket isu ti naudi nga adda ti inyuswat da nga operasyon seknan iti panagsusugal kadagiti minatayan.
Inbatad na nga itan ket awanen dagiti mamonmonitor da nga agsusugal.
Kunana adaytoy ket gapo ti naiget a panangimplementar ti PNP ti kampanya ti iligal a panagsugal.
Nupay kasta, adda latta dagiti dumandanon nga impormasyon nga adda dagiti agsusugal iti mismo nga uneg ti pagtaengan da isut gapo na a saan a mamonitor dagiti pulis.
Inlawlawag na a dagiti dua a babbai ken dua a lalalki a natiliw da itay napalabas nga aldaw ket naarestar iti uneg a mismo ti pagtaengan da iti paset ti Barangay 10 iti nasao nga ili.
Innayon ni opisyal nga agtultuloy ti naiget a panangipatungpal da ti kampanya kontra ti pangsusugal.
