LAOAG CITY – Manamnama a mapilaan ti reklamo a panagsalungasing ti Anti-Cattle Rustling ni Leonard Balila y corpuz, 41, naasawan ken residente ti Barangay Nalasin iti ili ti Solsona kalpasan a nagtakaw ti baka.
Daytoy ti inbatad ni Police Captain Chris Anthony Sorsano, ti chief of police iti nasao nga ili.
Segun ken ni Sorsano, naduktalan ni Ricarte De los Reyes Jr y Raymundo 47, naasawaan ken residente iti barangay Darasdas iti nadakamat met laeng nga ili a takaw ti nailako kenkuana a baka.
Naamoan na daytoy kalpasan a nakita dagiti kabagyan ti agtagikua ti baka a ni Jiliana Pascual y Barangan, 75, balo ken residente metlaeng iti nadakamat a barangay.
Kuna ni delos Reyes nga inlako ti suspek ti baka iti 18 a ribo a pisos.
Naipakaamo a nagpukaw ti baka ni Barangan idi Enero 28 ita a tawen.
Naisubli met laeng ti baka ni Pascual idi kalman kalpasan a nagsasarita dagitoy ngem mapilaan latta ti reklamo ti nasao a suspek.
