Nagtalinaed iti Mariano Marcos Memorial Hospital and Medical Center ti maysa nga estudyante kalpasan a nadesgrasya iti Balacad Road a bisinidad ti Brgy. 23 iti ili a Paoay.
Nabigbig ti daytoy a ni John Rave Santos, 20, baro, estudyante ken residente ti Brgy. San Marcos iti ili a Dingras a nangiturong ti motorsiklo idinto a ti nakadinnungpar na ket maysa a kurong-kurong nga inturong ni Wilfredo Casil, 58, naasawaan, mannalon ken residente ti Brgy.Suba, Paoay.
Basar iti imbestigasyon ti PNP Paoay, bayat nga agpapaamianan a direksyon ti Balacad Road dagiti dua a lugan idinto a nag-overtake ni Santos ket dita a nasapgud na ti kurong-kurong rason a natumba ti motorsiklo na.
Gapu iti daytoy, nagsagaba ti sugat iti nagduduma a paset iti bagi dagiti biktima.
Saan met a nakainom ti nasanger dagiti dua a driver.
