LAOAG CITY – Agtultuloy ti imbestigasyon dagiti kameng ti Philippine National Police (PNP) seknan ti maipagarop a pannaka-carnap ti maysa nga Toyota Hi-lux model 2017 iti mismo a parkingan iti Puregold ditoy ciudad ti Laoag.
Segun ken ni Emma Crizelda Reyes, agtawen ti 31, taga Barangay 41, Balacad ti nasao a ciudad, ti nasao a lugan ket kukua ti ama na a ni Wilson Clemente Agbayani ngem nakanagan ken ni Corazon tawat Cobatsa a taga Makati City.
Inbatad ni Police Supt. Dominic Guerrero, ti chief of police iti ciudad ti Laoag a ti nasao a lugan ket maipagarop pinagbayad ti nakautang kada Agbayani.
Innayon na a ti nasao a lugan ket saan a basta malukatan ti siasinno man isut gapuna a mabalin a ti nangala ket adda met laeng duplicate ti tulbek na.
