LAOAG CITY – Umawat dagiti nasurok 300 a Micro Business Owners ti P5,000, babaen ti programa a “Matiganayon a Progreso” ti gobierno probinsial inton Disiembre 17.
Segun ken ni Ms. Elma Gabriel, mangidadaulo iti Micro Small and Medium Enterprises Office, ti nasao a programa ket nabuangay kas tulong kadagiti Micro Small and Medium Enterprises nangruna kadagiti agkasaupalan ti panangsilpo iti working capacity-da.
Malaksid iti tulong pinansial ket adda pay ti maipaay a training workshop a mangipaay iti naan-anay nga adal maipanggep iti panag-negosio.
Inlawlawagna a dagiti mabenepisiaran iti nasao a programa ket masapul a ma-assess ken matungpal dagiti requirements kas iti kaadda ti physical store wenno negosyo a mabalin a retail wenno services.
Kabayatanna, inpakammo ni Gabrielle a silulukat ti opsinada kadagiti amin nga agaplikar para iti tulong pinansial ken training workshop tapno ad-adda a mapasayaat ti negosio dagitoy.
