LAOAG CITY – Dinillaw ni Senador Imee Marcos ti nagbalin a desisyon ti International Criminal Court (ICC) kalpasan a kinumpirmaran na dagiti kaso a crimes against humanity kontra ken ni dati a Presidente Rodrigo Duterte ken ituloy ti panangusig kenkuana.
Iti maysa nga statement, inpetteng ni Marcos a ti addang ti International Criminal Court ket mangitunda manen kadagiti seryoso a saludsud maipanggep iti “selectivity” ken panagbalin a patas ti panangipatungpal ti international justice.
Segun pay iti senador, arigna adda ti ”perception” ti international court maipanggep kadagiti tututukan na a kaso kontra kadagiti babassit a pagilian, idinto a dagiti dadakkel a pagilian ket nagtalinaed a natalged iti kapada a kaso a maibakbakal iti dati a presidente.
Nagballaag pay ni Marcos nga aniaman nga addang nga arigna mang-bypass kadagiti ”constitutional safeguards” tapnp magun-od dagiti politikal a rason ket makaipababa ti panagtalek ti publiko kadagiti bukod nga institusyon ken mangpakapuy iti rule of law.
