LAOAG CITY – Inpakaammo ni Mrs. Fe Siazon, Provincial Human Resource Management Officer nga adda ti 404 nga empleado a Job Order ti Gobierno Probinsial ti Ilocos Norte ti saan a karaman a naikkan ti 14th Month Pay.
Segun kenkuana, kadagupan kadagiti 878 nga empleado, 608 ditoy dagiti permanent employees idinto a 270 ditoy ket dagiti maibilang a casual employees.
Inlawlawag ni Siazon a saan a karaman a naikkan ti 14th month pay dagiti empleado a maibilang a Job Order gapi ta daytoy ket maibasar ti nailanad iti pagannurutan a sursuruten iti opisinada.
Mainaig iti daytoy, kuna na a nu pay saan a naited ti 14th Month Pay dagiti Job Order ket adda ti maited a gungunda kadagitoy ngem saan na metten nga inbuksilan ti balor daytoy.
Immunan nga inpakaammo ni Siazon a naiteden ti 14th month pay dagiti 878 nga empleado ti Gobierno Probinsial ken manamnama a maited ti chirstimas bonus da iti mabiit.
