LAOAG CITY – Nasurok a 21,000 a pulis ti iwaras ti Philippine National Police (PNP) kas paset ti seguridad para iti maikalima nga State of the Nation Address (SONA) ni Presidente Ferdinand Marcos Jr. iti Batasang Pambansa iti Quezon City ita nga aldaw, Hulyo 27, 2026.
Segun ken ni PNP Chief Police General Jose Melencio Nartatez Jr., nakumpleto dan ti security protocol ken isaysayangkat da laengen ti phased deployment dagiti pulis kadagiti lugar nga agkasapulan ti naig-iget a panagbantay.
Kuna pay ti PNP chief a nakasagana ti organisasyon da tapno siguradwen ti seguridad dagiti opisyal, bisita ken ti publiko kabayatan ti pannakaisayangkat ti SONA.
Binalakadan met ni Nartatez dagiti pulis a pagtalinaeden ti maximum tolerance iti trabaho da ita nga aldaw.
