LAOAG CITY – Umabot iti 830 ribo a pisos a tulong pinansyal ti naipaay kadagiti babassit a negosyante ditoy probinsya.
Daytoy ti inpakaammo ni Miss Alma Gabriel, ti mangidadaulo iti Micro, Small, and Medium Enterprises Office.
Segun ken ni Gabriel, adda ti pakabuklan a 169 dagiti nagbalin a benepisyayo iti Mataginayun a Progreso Assistance iti gobierno probinsyal.
Kuna na nga iti kada benepisyaryo ket nakaawat ti 5 ribo a pisos ken dimmalan dagitoy iti dua nga aldaw a panagsanay.
Mainaig iti daytoy, inbalakad ti gobernador a masapol nga ikarigatan dagiti maseknan a padakkelen dagiti negosyo da aglalo ket saanen a malapdan ti panagado dagiti dadakkel a negosyo ditoy probinsya.
Inpasingked na nga agtultuloy ti suporta kadakuada ti gobierno probinsyal gapu ta kalikagom da a maitandudo dagiti bukod a produkto ditoy probinsya.
