LAOAG CITY – Dumanonen iti 107 a tattao ti pimmusay manipod iti nalawa a pananglayus iti abagatan a paset idiay Brazil.
Basar iti civil defense ti Brazil nga adda ti 136 a tattao ti manarimaan pay laeng a birbirukenda.
Nakaro a naapektaran ti nakaro a layus ket ti Rio Grand do Sul no sadino adda ti nasurok 164 a ribu dagiti residente ti napukawan ti pagnaedan.
Nagballaag met dagiti otoridad a saan pay nga agsardeng ti panagtudo agingga iti sumarsaruno nga aldaw.
Iti agdama, agtultuloy pay laeng ti panag-rescue dagiti otoridad iti nasao a lugar.
