LAOAG CITY – Kinumpirmaran ni Fire Officer 3 John Patrick Anghel nga agarup 100 ribo a pisos iti balor ti perdisyon iti nauram a pagtaengan ni Mr. Benito Simon iti paset ti Sitio Natdek, Barangay Balatong ditoy ciudad ti Laoag.
Segun kenni Anghel, rumrumuar a ti makaigapu ti nasao nga uram ket iti saan a nabantayan a lutlutoen nga inapoy iti anak ni Simon.
Karaman kadagiti dimmapo ket amin a ramramit da, badbado, appliances ken ti kabarbaro a gitara.
Nupay kasta, insigida a nagresponde dagiti kameng ti BFP ngem gapu iti napaspas a panagwaras ti uram ket naminpinsan a nauram iti pagtaengan da Simon.
