LAOAG CITY – Inadmitir ni Department of Labor and Employment (DOLE) Secretary Francis Tolentino a manarimaanen ti pannakaiproseso ti pannakaipangato ti sueldo kadagiti nagduduma a rehion ti pagilian.
Inlawlawagna a ti tunggal rehion ket addaan ti kabukbukudan nga anniversary date para iti wage orders isu a saan a mabalin a mangipatungpal ti dua a nayon a sueldo iti uneg ti maysa a tawen.
Iti Metro Manila, maipatungpal ti P85 wage hike iti dua a gudua.
No naan-anay a maipatungpal, ngumato ti minimum wage ti non-agricultural workers manipud P695 a mapagbalin a P780 iti kada aldaw idinto ti agricultural ken small retail/service workers ket ngumato pay.
Basar iti Department of Labor and Employment, manamnama a mangiparuk-at ti rekomendasion dagiti regional wage boards inton Setiembre ken Oktubre 2026 kalpasan ti konsultasionda.
